Lerums saftfabrikk

Culture & Attractions-Lerum-Logo N.H.Lerums saftfabrik museum Sørheim

Den første Lerum safta vart kokt ein augustdag i 1907 i den vesle grenda Leri på Sørheim i Luster i Sogn. Kari og Nils Hansson Lerum dreiv landhandel, Bui, og tok imot bær frå bøndene i området. Bæra vart sende vidare med båt til Bergen. Ein dag vart to stampar med bringebær ståande att på kaia, desse vart det laga saft av. Dette vart starten på Lerum eventyret.

Nils hadde drive landhandel i fleire år. To år etter at den første safta vart kokt, vart Safthuset, den første fabrikken opna. I dag framstår både landhandelen og safthuset som museum . Publikum får sjå korleis saft og syltetøy vart laga for meir enn 100 år sidan. I landhandelen får dei sjå korleis handelen føregikk i den tida. I «Bui» er det sal av saft, syltetøy og diverse kioskvarer.

OPNINGSTID:

1. mai – 1. oktober. Etter avtale, Tlf. 90 13 73 02

KONTAKTINFORMASJON:

N.H. Lerums Saftfabrik AS Handels-og industrimuseum Sørheim

6876 Skjolden

Astrid Lerum, Tlf: 90 13 73 02

E-post: lerum.museum@leri.no

www.lerum.no

Lerumkonsernet er framleis familieeigd. Det er i dag 4. generasjon som er eigarar. Lerum er ein leverandør av syltetøy, saft og jus. Produksjons-anlegga og hovud-kontoret ligg i Sogndal kommune i Sogn.

Ekte vare smakar best!

Culture & Attractions-Lerum-logo